"The Story of the Weeping Camel" (2003 Mongolian Language DocuFilm)
மங்கோலியாவின் கோபி பாலைவனத்தில்... ஒரு திரைப்படத்தின் சுவாரஸ்யத்திற்குக் கிஞ்சித்தும் குறையாத, அழகான, அற்புதமான ஒன்றரை மணி நேர ஆவண சினிமா "The Sory of the Weeping Camel". அந்நிலப்பரப்பும் (Sergey Dvortsevoy-ன் "Tulpan"-ஐ நினைவூட்டியது), மனிதர்களும், அவர்களின் வாழ்வியலும், பண்பாடும், நாட்டுப்புற இசையும் பசுமையாய் மனதில் பதிந்து போயின. தவற விடக் கூடாத படம். புதிதாய் அறியும் நிலங்களும், சக மனிதங்களும், கலாச்சாரங்களும், வாழ்முறையும், அக்கற்றலின் இனிப்பும்தான் உலகத் திரைப்படங்களை சலிக்காது தேடித்தேடிப் பார்க்க வைக்கின்றன. அறிதலையும், கற்றலையும், மன ஆழத்தில் ஏதோ ஒன்றுடன் ஒத்திசைந்த உணர்வினையும், இலக்கிய வாசிப்பின் சுவையையும் அளிக்கும் படங்களைப் பார்க்கப் பார்க்க வியப்பும், பிரமிப்பும் கூடிக்கொண்டேதான் செல்கின்றன. "Lunana: A Yak in the Classroom" படத்தின் காணனுபவத்தை முகநூலில் பகிர்ந்து கொண்டபோது, நண்பர் கணபதி சுந்தர், மேலும் இரு பூட்டானியப் படங்களையும், ஒரு Finnish படத்தையும், ஒரு ஜெர்மன் படத்தையும், "The Story of Weeping Camel"-ஐயும் பார்க்கப் பரிந்து